JOKATE: SIJAWAHI KUROGA ILI NIFANIKIWE

Jokate Mwegelo akiwa na mwakilishi kutoka kampuni ya Rainbow Shell ya China.

MWANAMITINDO anayefanya vizuri katika urembo ambaye hivi karibuni aliingia mkataba wa mabilioni na kampuni ya Rainbow Shell ya China, Jokate Mwegelo amesema katika harakati zake za kusaka mafanikio, hajawahi kukanyaga kwa waganga zaidi ya kumtegemea Mungu pekee.

Jokate ambaye brand yake inakwenda kwa jina la Kidoti alisema; “Ninatumia akili yangu pamoja na watu wangu kutoka crew yangu hadi hatua tuliyofikia, mambo yakiwa magumu namlilia Mungu kwa kusali kila siku kwa imani yangu huwa naamini naweza kushinda bila kwenda kwa mganga.”

Binti huyo ni miongoni mwa wasichana wanaopata mafanikio kwa haraka na mmoja kati ya wabunifu wanaofanya vizuri. Wiki chache zijazo, bidhaa za kidoti zitakazotengenezwa na kampuni hiyo ya Wachina zitaanza kuuzwa sokoni.